Helga vår!

Så var nok ei helg tilbakelagt, og vi har akkurat teke til å sjå fram til den neste.. ;-)
Denne helga har nok vore sterkt prega av Taremareby, men litt anna har det no vore plass til.
Også denne helga har vi hatt sjukdom i heimen (-fortel oss noko nytt, då..!!!!!). Lone starta natt til fredag med falsk krupp, og fortsatte med feber og oppkast. Ser ut til at vi startar ny arbeidsveke med sjukedagar - igjen..
Vi må også takke Guttorm og Karen og gutane for besøket på laurdag. Kjekt med uventa besøk, gjer det gjerne igjen :-)

Men først og fremst har det kome nytt TV i hus denne helga! Etter ei veke med kun grøn-tonar på tv-skjermen, vart Bent og Andrine sendt ein snartur i Brattvågen.. (Jepp, vi støttar handelsstanden der inne! ;-)) Så no står ein 40 " på stua og gliser!!
Biletet under viser korleis det er greitt å avslutte ein fredags-kveld :-)


Fredag tok eg og Dada med oss jentene på Taremareby-forestilling i Brattvågen. Oda hadde sett den tidlegare med klassen sin, så det var berre "Tuppen og Lillemor" som var med.
Dette var ei utruleg flott forestilling som eg håpar fleire hadde vett til å få med seg!! Sjølv om Andrine måtte på fanget når Krabbe Krølle kom på scena, kosa vi oss frå start til slutt! :-)

Måtte også få med oss utstillinga i samband med Taremareby på ID-huset!

Eit av bidraga som utmerkte seg, var nok slottet laga av Haramsøy Bhg! Og etter nøye forklaring av Oda og litt leiting frå mor, fann vi fisken som Oda hadde i "fiskestimen"..

Søndag tok vi turen heim til Fjørtofta for å gå på Taremare-kafe på Gamle Otterlei Skule.

Der åt vi nydeleg fiskesuppe, høyrde om Ingebrikt Davik, og sang songane hans. -Ei tilstelning heilt i pappa si ånd, meinte ei av døtrene som var tilstades.